1 October 2026
PAVS Haverfordwest
Trustee, Volunteer
Mae PAVS yn chwilio am Ymddiriedolwr newydd â Chyfrifoldeb Arbennig am Gyllid. Mae hon yn swydd ddi-dâl, sy’n ychwanegu gwerth at gymunedau a thrigolion Sir Benfro drwy gefnogi gwaith y mudiad ar lefel strategol.
Gallai’r rôl hon fod yn ddeniadol i rywun sydd â phrofiad o weithio gyda phwyllgorau, ac sy’n deall cynllunio strategol at ddibenion gweithredol ac ariannol, yn ogystal â sgiliau gosod cyllidebau. Mae’r rôl yn gofyn hefyd am ddealltwriaeth o’r safonau llywodraethu ac ariannol a osodwyd gan Dŷ’r Cwmnïau a’r Comisiwn Elusennau.
Byddwch yn dod â sgiliau rhyngbersonol cryf i gefnogi’r Bwrdd, a bydd angen i chi allu neilltuo amser i waith PAVS (cyfartaledd o tua un diwrnod bob chwarter) i fynychu Cyfarfodydd Bwrdd, gweithgorau, cyfarfodydd rhanbarthol, cyrsiau, digwyddiadau ac ati. Y cyfnod lleiaf yn y swydd yw tair blynedd, gydag uchafswm o naw mlynedd.
Mae’r Bwrdd yn gweithio’n agos gyda Phrif Swyddog PAVS, i helpu i arwain materion strategol a chynllunio ariannol. Bydd gwir angerdd am waith y trydydd sector yn Sir Benfro yn bwysig, ynghyd â gwybodaeth a dealltwriaeth dda o’r Sir, ei thrigolion, ei lleoedd, ei heriau a’i chyfleoedd.
Mae PAVS yn gwmni cyfyngedig drwy warant ac yn elusen. Mae ganddo fwrdd o 10 Cyfarwyddwr / Ymddiriedolwr, gyda thair o’r swyddi hyn – sef y Cadeirydd, yr Is-gadeirydd a’r Ymddiriedolwr â Chyfrifoldeb Arbennig am Gyllid – yn cael eu penodi drwy broses recriwtio agored a chyfweliad. Fel Ymddiriedolwr PAVS, bydd lefel benodol o gyfrifoldeb a disgwyliadau yn gysylltiedig â’r rôl, a gellir dod o hyd i’r manylion ar wefan y Comisiwn Elusennau. Disgwylir i chi gefnogi a hyrwyddo gwerthoedd y mudiad, sef:
- Rhagoriaeth
- Cynhwysiant
- Brwdfrydedd
- Arloesedd
- Cydweithio
- Caredigrwydd.
I gael rhagor o wybodaeth am y rôl a PAVS, cliciwch yma
I fynegi eich diddordeb mewn gwneud cais am y rôl, anfonwch gopi o’ch CV, ynghyd â datganiad cefnogi yn amlinellu eich sgiliau a’ch profiad a’r rheswm pam yr hoffech gael eich ystyried, at ymholiadau@pavs.org.uk
Dyddiad cau ar gyfer derbyn ceisiadau: 30 Tachwedd 2026